ले ले यीशु के नाव तेहा ग

ले ले यीशु के नाव तेहा ग जिनगी के कोन्हो नइ हे ठिकाना

अपना ले तेहा यीशु ला ग अब झन कर ते कोन्हो बहाना x 2

 

१. जिनगी हरे क्षण भर के, जियत हाबस मर मर के

का करबे तय अतक कमा के, जाना हाबे जम्मो ला छोड़ के x 2

 

अइसन कमाई के का काम ग जेला सब छोड़ के जाना हे ना x 2

 

ले ले यीशु..

 

२. अइसन जिनगी के का फायदा, जेमा हाबे रोना पीटना

आँसू आँसू दिन अउ रात, कोन्हो नई होवय तोर साथ

 

आँसू पोछ दिहि यीशु ह ग करे हाबे अइसन वायदा x 2

 

ले ले यीशु …

 

३. मरे के बाद हाबे दू रद्दा, एक ठन नरक एक ठन सरग

यीशु ला तय अपना बे ते, सरग के जिनगी मिलहि तोला x 2

 

यीशु के बिना कोई नइ हे ग जेहा तोला सरग ले जाहि x 2

 

ले ले यीशु …